Skráning í Markaðsstofu Reykjaness fyrir árið 2019

Skráning í Markaðsstofu Reykjaness fyrir árið 2019 er hafin.

Smellið hér til að opna umsóknarformið.

Aðild að Markaðsstofu Reykjaness veitir fyrirtækjum aukinn sýnileika í landshlutabæklingi Reykjaness, heimasíðunni www.visitreykjanes.is og á samfélagsmiðlum Markaðsstofu Reykjaness. Jafnframt eru fyrirtæki sem eru aðilar að Markaðsstofu Reykjaness kynnt á ferðasýningum og landkynningarfundum innan og erlendis. Saman mynda fyrirtæki og stofnanir sveitarfélaga á Suðurnesjum sterka heild sem að kemur að kynningarmálum og mótun á ferðaþjónustu á Reykjanesskaganum.

Skráningarferlið tekur um 10-20 mínútur og best er að hafa textaupplýsingar um fyrirtækið og myndir tilbúnar áður en hafist er handa við að fylla út skráningarformið. Út fyllt telst þetta skráningaform vera formleg beiðni fyrirtækis til skráningar í Markaðsstofu Reykjaness.

Gjaldskrá Markaðsstofu Reykjaness er hægt að nálgast á heimasíðu Markaðstofunnar.

Skráningu í Markaðsstofu Reykjaness skal skilað fyrir 8. apríl 2019 vilji fyrirtæki fá skráningu í landshlutabækling Markaðsstofu Reykjaness fyrir árið 2019. Aðildargjöld verða rukkuð á tímabilinu mars - apríl 2019.

Ef einhverjar spurningar vakna við útfyllingu skráningarformsins hafið þá samband með tölvupósti: markadsstofa@visitreykjanes.is