Will Ferrell og Rachel McAdams rokka á Reykjanesi

Farrell og McAdams munda hljómborðin við Valahnúk á Reykjanestá.

Reykjanesið leikur aðalhlutverk í nýju myndbandi þar sem Will Ferrell og Rachel McAdams syngja slagarann Volcano Man. Lagið er úr væntanlegri gamanmynd, Eurovision Song Contest: The Story of Fire Saga sem fjallar um Eurovision söngvakeppnina þar sem Farrell leikur íslenskan söngvara sem loks fær tækifæri til þess upplifa drauminn á stóra sviðinu. Tökur fóru fram að miklu leyti hérlendis í fyrra og m.a. á Reykjanesi eins og sjá má en myndbandið er nánast allt tekið upp við Valahnúk út við Reykjanesvita.