Reykjanesviti meðal fallegustu vita heimsins

Lesendur Atlas Obscura hafa valið þá vita heimsins sem þykja hafa hvað mest aðdráttarafl. Meðal þeirra vita sem voru nefndir til sögunnar var Reykjanesviti en hann er eini íslenski vitinn sem kemst á listann sem telur alls 31 vita.

Atlas Obscura leggur áherslu á óvenjuleg og einstök ferðalög þar sem lesendur leggja m.a. til mikið við vinnslu efnis sem birt er á þeirra miðlum. Atlas Obscura er veftímarit sem hefur gefið út bækur sem hafa vermt efstu sæti sölulista New York Times og Amazon.