Framkvæmdasjóður ferðamannastaða auglýsir eftir umsóknum um styrki fyrir árið 2024

Mynd: Ozzo

Framkvæmdasjóður ferðamannastaða auglýsir hér með eftir umsóknum um styrki fyrir árið 2024. Sjóðurinn fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila.

Ert þú með ferðamannastað á þínu landi og hefur hug á að skoða frekari uppbyggingu eða þróun á honum? Kannaðu hvort að Framkvæmdasjóður ferðamannastaða er leið til að fjármagna þá vinnu/framkvæmd.

Sjóðnum er heimilt að fjármagna framkvæmdir er snúa að:

• Öryggi ferðamanna.
• Náttúruvernd og uppbyggingu.
• Viðhaldi og verndun mannvirkja og náttúru.
• Fjármögnun undirbúnings- og hönnunarvinnu sem er nauðsynleg vegna áðurgreindra framkvæmda.

Sjóðnum er ekki heimilt m.a.:

• Að bera rekstrarkostnað af mannvirkjum og vegna náttúruverndarsvæða eða annarra ferðamannastaða.
• Að fjármagna framkvæmdir sem eru á landsáætlun um uppbyggingu innviða til verndar náttúru og menningarsögulegum minjum.
• Veita fjármagni til verkefna sem þegar er lokið.

Frekari upplýsingar um sjóðinn má finna inn á vef Ferðamálastofu. Einnig má hafa samband við starfsmenn Markaðsstofu Reykjaness og Reykjanes jarðvangs til ráðgjafar í síma 420 3288 eða info@visitreykjanes.is og info@reykjanesgeopark.is.