Eldgosi lokið, enn skjálftavirkni og lokunarsvæði minnkað
Eldgosinu við Grindavík er lokið en ennþá er mikil skjálftavirkni.
Lokunarpóstar hafa verið færðir að P1 við Fagradalsfjall, við Orkubraut við Svartsengi á Grindavíkurvegi og á Nesvegi við Stað. Opið er að öllum gönguleiðum í Fagradalsfjalli, að Northern lights Inn og Bláa lóninu auk áfangastða á Reykjanestá.
Eldgosið var það 11. í röðinni á Reykjanesi frá því gos hófts fyrst í Fagradalsfjalli í mars 2021 og það áttunda á Sundhnúksgígaröðinni.
Viðbragð:
Almannavarnir og viðbragðsaðilar er enn virkt og sérfræðingar Veðurstofunnar og háskólasamfélagsins eru á vaktinni og uppfæra um stöðu mála reglulega. Verið er að meta aðstæður og munu frekari aðgengisupplýsingar um svæðið, gossvæðið, umfang og staðsetning, verða uppfærðar þegar þær liggja fyrir.
Aðgengi að gosstöðvunum og áningastöðum á Reykjanesi:
- Lokunarpóstar: Lokunarpóstar hafa verið uppfærðir og lokunarsvæðið einskorðast við Grindavík og gossvæðið. Lokunarpóstar eru við Stað á Nesvegi (veg nr. 44), við Orkubraut (við Svartsengi) á Grindavíkurvegi (nr. 43) og við afleggjarann að P1 við Fagradalsfjall á Suðurstrandarvegi (nr. 427). Lokanir á þessum leiðum verða endurskoðaðar þegar líða fer á atburðinn og aðstæður endurmetnar. Þessar lokanir hafa eingöngu áhrif á aðgengi að Grindavík og gossvæðinu. Fylgist með uppfærslum og fréttum á vef okkar, visitreykjanes.is. Opnað hefur verið á aðgengi að Brú milli heimsálfa, Reykjanesvita og Brimkatli.
- Fylgið fyrirmælum: Þó svo að eldgos séu stórkostlegt sjónarspil, þá eru þau hættulegur atburður í náttúrunni og nauðsynlegt að vegfarendur og gestir sýni ábyrgð, fari um svæðið með varkárni og fylgi fyrirmælum yfirvalda um lokanir og viðbragð.
- Útsýni: Vegfarendur eru beðnir um að stöðva ekki bifreiðar sínar á Reykjanesbraut (veg nr. 41). Hægt er að sjá eldgosið til dæmis frá Ökugerði (keyrt af Grindavíkurvegi), Ásbrú og Patterson. Hægt er að fylgjast nánar með aðgengi og veglokunum á umferdin.is
- Á kortinu hér fyrir neðan má finna mögulega útsýnisstaði fyrir utan lokunarpósta til að skoða eldgosið úr öruggri fjarlægð.
Til að skoða kortið betur, færðu músina yfir það eða notaður fingurnar til að færa kortið til, stækka kortið eða minnka.
Mikilvægt er að hafa í huga að:
- Öruggast er að horfa á gosið í vefmyndavélum t.d. á ruv.is og mbl.is á meðan verið er að meta aðstæður, en einnig má horfa á það frá útsýnisstöðum t.d. frá Reykjanesbæ eða Vogunum. Ekki er opið að gosstöðvunum og því ekki hægt að ganga að þeim.
- Reykjanesbraut er opin fyrir umferð en ekki er ráðlegt fyrir vegfarendur að leggja bílum á vegaxlir. Flug til og frá Keflavíkurflugvelli er á áætlun.
Hlekkir á ítarefni og frekari upplýsingar:
- Veðurstofan: Veðurstofan fylgist vel með þróun mála og uppfærir reglulega vefinn hjá sér með upplýsingum um gosið.
- Utanríkisráðuneytið: Á vef Utanríkisráðuneytisins er að finna algengar spurningar sem gestir hafa verið að spyra að og svör við þeim.
- Vegagerðin: Mikilvægt er að fylgjast vel með lokunum og færð á vegum við þessar aðstæður, því þær geta breyst með litlum fyrirvara.
- Safetravel: Safetravel birtir upplýsingar um öryggi fyrir ferðamenn
- Rúv.is: Rúv flytur uppfærðar fréttir af eldgosinu og einnig á ensku
- Visit Reykjanes: Við birtum á þessari vefsíðu ítarlegri upplýsingar um aðsæður inn á svæðinu, hvar er opið og hvernig æskilegt sé að fara um svæðið.
- Vefmyndavélar af svæðinu: ruv.is - mbl.is - visir.is