Gistiheimili Keflavíkur er hinum megin við götuna á móti hinu sívinsæla Hótel Keflavík þar sem þú getur notið allrar þeirrar þjónustu sem hótelgestum stendur til boða. Á Gistiheimili Keflavíkur leggjum við áherslu á einfalda gistingu og faglega og vinalega þjónustu sem lætur þér líða eins og heima hjá þér.
Gistiheimilið er allt á einni efri hæð og er með 5 twin herbergjum ásamt fjölskylduherbergi með kojum. Öll herbergin deila saman tveimur baðherbergjum með sturtu og litlum eldhúskrók með ísskáp og örbylgjuofni.
Gistiheimilið er nýuppgert og öll herbergin eru með með nýjum og þægilegum rúmum, sængur- og rúmfötum og eru vel búin með neti, sjónvarpi, síma og handklæðum.
Dvöl á Gistiheimili Keflavíkur innifelur aðgang að líkamsræktarstöðinni okkar þar sem þú getur notað hvað sem þú vilt af fjölbreyttu úrvali líkamsræktartækja, spinning og pallatímum og slakandi gufubaði og ljósabekkjum.
Vertu viss um að heimsækja fallega og nýuppgerða veitingastaðinn okkar í hádegis- og/eða kvöldverð. KEF er fyrsta flokks veitingastaður sem býður upp á ævintýralega rétti, eldaða úr fersku úrvalshráefni úr héraði svo þú getur alltaf verið viss um gæðin. Starfsfólkið okkar dekstrar við þig svo þú hafir það notalegt hjá okkur og af barnum afgreiðum við sérvalið vín, úrval kokteila og íslenskan bjór á krana.
Innifalið í verðinu hjá okkur er wi-fi aðgangur, aðgangur að líkamsræktarstöð og gufu, okkar margrómaða morgunverðarhlaðborð (opið kl. 5:00-10:00) og geymsla á bíl í allt að 3 vikur.
Til okkar er aðeins 5 mín. akstur frá Leifsstöð, 15 mín. frá Bláa Lóninu og 40 mín. frá miðborg Reykjavíkur. Við bjóðum frí bílastæði í vöktuðum stæðum.
